Anal çatın profilaktikası

Anal çatın profilaktikası düzgün qidalanma, aktiv həyat tərzi, bağırsağın fəaliyyətinin pozulmasına səbəb olan xəstəliklərin erkən diaqnostika və müalicəsindən ibarətdir. Çanaq nahiyəsində durğunluq hallarının qarşısını almaq üçün piyada gəzintiləri, idman hərəkətləri tövsiyə olunur. Konservativ yolla vaxtında müalicə olunan anal çatlar 60-90% hallarda tamamən sağalır. Qeyri-adekvat terapiya və ya özünü müalicə xroniki anal çatın inkişafına gətirib çıxarır, belə hallarda adətən cərrahi müalicəyə ehtiyac yaranır. Cərrahi müdaxilə adətən sağalma ilə nəticələnir.